جب ہوا خاک تو گھر خاک شفا میں پایا

بخدا فارس میدان تہور تھا حر                     ایک دو لاکھ سواروں میں بہادر تھا حر

دار دنیا میں ابوذر کی طرح حر تھا حر          گوہر تاج سر عرش ہو وہ در تھا حر

                      ڈھونڈ لی راہ خدا کام بھی کیا نیک ہوا

                     پاک طینت تھی تو انجام بھی کیا نیک ہوا

بخت جب ہوگیا بیدار زہے عزت و جاہ         حر پہ کیا فضل خدا ہوگیا اللہ اللہ

پیشوائی کو گئے آپ شہ عرش پناہ              خضر قسمت نے بتادی اس فردوس کی راہ

                    مدتوں دور رہے جو وہ قریب ایسا ہو

                  بخت ایسے ہوں اگر ہو تونصیب ایسا ہو

نار سے نور کی جانب اسے لائی تقدیر         ابھی ذرہ تھا ابھی ہوگیا خورشید منبر

شافع حشر نے خوش ہو کے بحل کی تقصیر   تکیہ زانوئے شبیر ملا وقت اخیر

                       اوج و اقبال حشم فوج خدا میں پایا

                    جب ہوا خاک  تو گھر خاک شفا میں پایا

المرفقات